اللبان

تعرف اللبان
أكيد طبعا ...... ناس كتير بتمضغ اللبان .....وبتحبه
يمكن اللبان مرتبط بالبنات عشان هما أكتر ناس بـيحبوا اللبان
البنات بتحب اللبان أوي حد يعرف ليه
عشان في مقولة بتقول إن اللبان يحمى البشرة من التجاعيد
وكمان البنات رغايين أوى........ فلابد من حركة الفم المستمرة
لذلك اللبان بـيقوي عضلات الفك

وبالتالي بيخلي البنات بيتكلموا أطول فترة ممكنة دون تعب للعضلات وبسرعة كافية كمان
بس اللبان ليه فوائد تانية أهم بكتييير
اللبان بيساعد على التركيز وبيرفع مستوى الادراك
يعنى اللبان يساعد على رفع مستوى الذكاء
إذاااااااي
حركة اللبان في الفم تشبه حركة مضغ الطعام
وده بيخلي الغدد اللعابية تفرز كمية لعاب أكبر
وده بيحفز البنكرياس انه يفرز الأنسولين
الأنسولين يساعد على رفع مستوى الجلوكوز داخل الخلايا
وخاصة خلايا المخ وكذلك يزيد من معدل تدفق الدم إلي المخ
وده بيساعد على رفع كفاءة المخ وبالتالي رفع مستوى التركيز
وأنا بصراحة بحب اللبان عشان بيساعد على إنقاص الوزن
وكمان مضغ اللبان يقلل من وجود البكتيريا الضارة العالقة بالأسنان والتي تسبب الرائحة الكريهة للفم
يعنى اللبان كمان بيقلل من التسوس وبيحافظ على الأسنان
جميل اللبان.......... مش كده
على فكرة في ايطاليا كل الناس بتمضغ لبان ........ بجد كل الناس
تخيل البلد كلها بتمضغ لبان ومن العادات السيئة ان الناس بقت ترمي اللبان في الأرض وده عمل مشكلة في البلد
راحت الحكومة فرضت ضريبة على اللبان
ضريبة لازالة اللبان
وبكده أصبح سعر اللبان غالى في ايطاليا
يا ريت يا جماعة منرميش اللبان فى الأرض
لحسن الحكومة تقوم تفرض ضريبة هي كمان
والعملية بصراحة مش ناقصة!!!!!!!!! ـ