يعني إيه بنت ملتزمة؟؟

يعني إيه بنت ملتزمة؟؟
يعنى واحدة تصاحبها ..... ولا واحدة تتجوز ها ..... ولا وحدة تقضى معاها وقت ظريف وتروح لحالها .... ولا واحدة منقبة ... ولا وحدة محجبة ..... ولا وحدة فرىى .... أنت عاوز إيه بالظبت!!!!!!!ـ

أنا عاوز عقلية متفتحة وملتزمة داخليا .... لأن الالتزام مش باللبس وبس
لأن مش المهم الناس تقول إن فلانة بنت ملتزمة .... لا .... المهم إنها هي تكون واثقة من نفسها ... واثقة إن إللى بتعمله صح ... وأهلها واثقين فيها
بس ده مش مبرر إن البنت تعمل إللى هي عوزاه بدون ضوابط
المجتمع بيسامح وينسى أخطاء الولد ... و أبدا ما يسمحش البنت لو غلطت .... يمكن لأن ...... أنا بصراحة مش عارف

في أخطاء أي واحد ممكن يقع فيها .... ولد أو بنت
بس من وجهة نظري سلوك البنت هو إللى بيخليها تقع في الخطأ .... لان العيب في إللى حوليها بيفهموها غلط دائما

أنا خرجت عن الموضوع مش كده .... لا ما أظنش
المهم نرجع ونقول ..... الالتزام وازع داخلي ملوش دعوة بالمظهر الخارجي
على فكرة الأهل هم إللى بيدو البنت الثقة في النفس و ازاي تتخذ قرار صح يصونها ويصون سمعتها........
والبنت إللى متعرفش تتصرف كويس بتوقع في الغلط .... والغلط هنا على الأهل
الحياة من حولينا أصبحت أكثر انفتاح .... معادش المجتمع بتاع زمان المغلق .... إللى الناس كلها فيه بتعرف بعض .... وتخاف على بعض .... وتساعد بعض
كل واحد مننا يهمه مصلحته ... كل واحد مننا بتاع مصلحته.... سواء رضينا بالواقع ده .... ولا لأ

يا ريت كل واحد يجاوب على السؤال إللى في الأول ويقولي الإجابة