تاج امانى

انا بعتذر على الغيبة الطويلة دى بس انتم عارفيين ظروف الامتحانات وانا زى ما وعتك يا امانى اول بوست بعد الامتحانات هو التاج بتاعك ...... نبدأ التاج

اسم مدونتك ؟
You see what you Know

لماذا اخترته .... وما هي نيتك من وراء اختياره؟
دي قاعدة في الجراحة معروفة جدا بين الدكاترة ومعناها إن الحاجة اللي أنت شوفتها قيل كده ممكن تتعرف عليها بسهوله أما إذا مكنتش تعرفها فأنت مش حتشوفها .... الكلام ده أنا سمعتو من ا.د/ عبد الرازق حسن ( رئيس جامعة أسيوط سابقا ومحافظها السابق أيضا ) وقال القاعدة دي في السكشن وبدأ يشرحها و عجبتني أوى "أنت ترى ما تعرف ... ولا ترى ما تجهل ... فإن عرفت فأنت ترى ... إذا كنت تجهل فأنت أعمى ... عندما تمشي في مدينة .... لا تعرف بها أحد .... عرفتني فأنت أعمى ... وإن لم يعرفك أحد فأنت غير موجود ... إذا قرأت كلماتي .... فقد .... فإن عرفتني فأنت تراني .... إذا كنت تراني فأنا موجود "
نيتى من اختياره .... احمد زويل محدش عرفه غير لما خد جائزة نوبل والإعلام ركز عليه وبقى يتابع أخباره بينما هو كان موجود من الأول وكان ليه أعمال قبل نوبل كبيرة أوى.

هل فكرت في إغلاق مدونتك ؟ والسبب؟
لا بالعكس أنا متوقع إن مدونتي تستمر لأن أنا عملتها عشان تستمر

صورتك في المدونة ورمزيتها؟
صورتي هي صورتي

لماذا دخلت عالم التدوين من الأساس؟
أنا من هواة الجديد و أي حاجة جديدة بالنسبة لي بحب أغوص فيها وأكتشفها

جملة قيلت لك في وصف مدونتك؟
جميلة جدا

التعليقات بالنسبة لك ... أهميتها؟
مش مهمة أوى ... في ناس كتير تقرأ الموضوع وتعجب به بس رد فعلهم بيكون سلبى و بالتالى مبيضفش تعليق ( رد فعل ايجابي يعنى يضيف تعليق )

أحلى بوست كتبته ... ضع اللينك ... ثم اذكر لماذا؟
باعث الحياة
لأن انا بحب القلب وكل شىء يدور حوله ( القلب كعضو) مع ذلك انا مش رومانسى خالص

أفضل بوست قرأته ؟ وضع لينكه؟
القارة المفقودة

أفضل مدونة قرأتها؟
نقطة مية

حد قل أدبه في التعليق إيه رد فعلك ؟
احذف التعليق
أي حد ممكن يعبر عن رأيه بس بدون ما يأذي مشاعر الأخريين

أسوأ بوست ؟ أسوأ مدونة؟
الحكم ده صعب

هيحصل إيه لإميلك لما تموت ؟
لو كنت جبت عيال حكتب الباسوورد لأبنى قبل ما أموت

اديت الباسوورد لحد قبل كده؟
لا

اسمك المشهور بيه وسط صحابك؟
مليش اسم شهرة فى الكلية .... أما في الثانوي كان لي اسم شهرة ( اللى يحب يعرف يبعتلى على الايميل وأقولهولو بلاش فضايح)

شخصيتك نوعها إيه؟
نارية

السفر بالنسبة لك؟
متعة

وقت فراغك بتعمل فيه إيه؟
في الغالب معنديش وقت فراغ

الموود بتاعك؟
هادى .... بس بسهولة ممكن يتقلب .... بحاول على قد ما أقدر ابعد عن الحاجات اللي بتنرفزنى

الأكلة المفضلة؟
المكرونات

صفاتك اللي أختها من بابا؟
التصميم

الصفات اللي أختها من ماما؟
الطيبة

اكتر ست حاجات بتكرها؟
العند
اللبن
الكذب
الكلام الكتير
الدوشة
الكوسة

اكتر ست حاجات بتحبها؟
الطب
المشى
ان اللى قدامى يقدرنى
الصراحة
قصص سفاري
الثقافة

الشغل بالنسبة لك؟
حياتي

الانترنت بالنسبة لك؟
زى الأكل والشرب

أمرره لمين؟
مرفت
محروس

منشاوي
نقطة مية
Van Gogh
الوردة السوداء